İş fikri ilə biznesini qurmaq istəyənlər üçün müsabiqə başlayır - Yeni Fikir 2017

İş fikri ilə biznesini qurmaq istəyənlər üçün müsabiqə başlayır - Yeni Fikir 2017

Bakı Mühəndislik Universiteti Texnoparkı tərəfindən ildə bir dəfə keçirilən Yeni Fikir Müsabiqəsinə (YFM) start verildi. YFM gənclər arasında təşəbbüskarlığı (sahibkarlığı) təşviq edir, təşəbbüskar gənclərlə investorlar arasında körpü rolunu oynayır və startapların işinə dəstək verir.

YFM ildə bir dəfə keçirilir. Müsabiqədə irəli sürdüyü iş fikri ilə biznesini qurmaq istəyənlər iştirak edə bilər. İndiyədək 4 dəfə keçirilmiş YFM-yə 694 layihə cəlb edilmişdir ki, onlardan 30-u birbaşa (ilkin maliyyə dəstəyi, ofis, mentor və s. formada) dəstəklənmişdir. Dəstəklənmiş ideyalar arasında ölkəmizdə və xaricdə uğur qazanan, o cümlədən şirkətləşən layihələr mövcuddur. Digər layihələrə isə təlim və məsləhət xidmətləri şəklində dəstək verilmişdir.

YFM 2017 əsasında layihələrin qeydiyyatı zamanı aşağıdakı məqamlara əhəmiyyət verilir:

1.Ümumi məlumat (xülasə): Məhsul haqqında məlumat. Məhsul hansı problemi həll edir? Məhsulun formalaşdırılması hansı mərhələdədir? (ideya, prototip,test mərhələsi, aktiv satış) Məhsul üzərində nə vaxtdan işləyirsiniz? Layihədəki nəaliyyətləriniz nədir?

2.Məhsulun innovativliyi və texnoloji yeniliyi: İş fikrinin texnoloji-innovativ xüsusiyyətləri, faydaları, səmərəliliyi, texnologiya baxımından yenilikçi üstünlüklərini.

3.Bazar və rəqabət:Hədəf bazarın ölçüsü nə qədərdir? Qlobal və lokal bazarda məhsulun rəqibləri hansılardır? Hazırda neçə istifadəçi və ya neçə müştəriniz var?

4.Biznes Model:Məhsulun biznes modelini qısaca izah edin (necə pul qazandırır və ya qazandıracaq?) Məhsula bu günə qədər investisiya olunubmu?

5.Layihə komandası: Qurucu komanda üzvləri kimlərdir? Məhsul ilə bağlı texniki bacarığı olan komanda üzvünüz varmı? Daha əvvəl üzərində işlədiyiniz uğurlu məhsul/layihələr olubsa qısa məlumat.

 

Bu il 5-ci dəfə keçirilən YFM-nin işinə müxtəlif formalarda dəstək verən tərəfdaşlar aşağıdakı kimidir:

1.Azərbaycan Milli Elmlər Akademiyası,

2.Azərbaycan Respublikası Təhsil Nazirliyi,

3.Azərbaycan Respublikası Nəqliyyat, Rabitə və Yüksək Texnologiyalar Nazirliyi, Nazirliyin tabeçiliyndə fəaliyyət göstərən Yüksək Texnologiyalar Parkı,

4.Azərbaycan Respublikası İqtisadiyyat Nazirliyi,

5.Azərbaycan Respublikası Gənclər və İdman Nazirliyi,

6."Khazar Venture" (SUP.az),

7."AzFinans" İnvestisiya şirkəti,

8."Öz Süt" şirkəti,

9."Bliss" Şirkəti,

10."Baku Holiday Travel" turizm şirkəti,

11. "Vitam" reklam şirkəti,

12. Marja.az - Biznes və Maliyyə Xəbərləri Portalı,

13. Fins.az  İnformasiya Agentliyi,

14.Xeberler.az,

15."Next Step" İnnovasiya Mərkəzi,

16."KUTVAN PROJECT GROUP",

17."Sosial Innovation Lab".

18. Nəqliyyat, Rabitə və Yüksək Texnologiyalar Nazirliyi "Elektron Hökumət Təlim-Tədris Mərkəzi" Məhdud Məsuliyyətli Cəmiyyəti 

19. Edumap.az Təhsil Portalı

 

Müsabiqənin investisiya tərəfdaşları "AzFinans" İnvestisiya şirkəti, "Khazar Venture" və "SUP.az" şirkətlərinin nümayəndələri Münsiflər Heyətində də təmsil olunacaqlar.

Müsabiqənin tərəfdaşı olan "Baku Holiday Travel" turizm şirkəti birinci yeri qazanacaq layihə komandasından bir nəfərin Silikon Vadisinə gediş-gəliş avia biletini təmin edəcək.

"Öz Süt" şirkəti finala vəsiqə qazanmış hər bir komandaya 150 manat dəyərində, yarımfinala vəsiqə qazanmış hər bir komandaya isə 100 manat dəyərində yemək kuponu verəcək.

Müsabiqənin tərəfdaşlarından olan "Bliss accessories" (o cümlədən "Bravo Accessories") isə qalibləri qiymətli hədiyyələrlə təbrik edəcək.

Qeyd edək ki, Müsabiqə əsasında ilk beş yerə layiq görülən startap komandalarınaBakı Mühəndislik Universiteti Texnoparkı"SUP.az" və "Next Step" İnnovasiya Mərkəzitərəfindən inkubasiya xidmətləri ödənişsiz əsaslarla veriləcək. Qalib layihələrin işinə, əlavə olaraq, "KUTVAN PROJECT GROUP" və "Sosial Innovation Lab" tərəfindən mentorluq xidmətləri göstəriləcək.

Müsabiqənin informasiya dəstəkçiləri isə, Marja-Biznes və Maliyyə Xəbərləri AgentliyiFins.az  İnformasiya Agentliyi"Xeberler.az"-dır.

 

"YFM 2017" aşağıdakı xronologiya əsasında həyata keçiriləcək:

  1. Layihələrin "online" qeydiyyatı  - 10 Mart 2017 - 20 Aprel 2017
  2. Layihələrin "online" qiymətləndirilməsi  - 25 Aprel 2017 - 05 May 2017
  3. Yarımfinalçıların elan olunması - 06 May 2017
  4. Yarım Final Proqramının keçirilməsi  - 20 May 2017 tarixinə kimi
  5. Final və Mükafatlandırma Proqramlarının keçirilməsi - 15 İyun 2017 tarixinə kimi

 

www.yenifikir.az veb səhifəsindən istifadə etməklə layihələri qeydiyyatdan keçirmək olar.